කලින් දවසක ගරු මර්වින් පෙරේරා මැතිතුමා (සමා වෙන්න ආචාර්‍ය්තුමා), නවනීදන් පිල්ලේ මැතිනියට කල මංගල යෝජනාව පෙරභවයේ කල පුණ්‍ය ක්‍රියාවකට පිළිගත් ඇය, මුළු මහත් ශ්‍රී ලංකාවට ම සතුටුදායක ආරංචියක් විය. මේ ඒ පිළිබඳ ව මැතිතුමා මාධ්‍ය ට කළ ප්‍රකාශය යි.
"ඔබතුමා පුදුම වුනා ද පිල්ලේ මැතිනිය ඔබගේ යෝජනාව පිළිගත්තහම?" (උදේ පාන්දරම ඩෝං යන ප්‍රශ්නනෙ මුං අහන්නෙ)
"මං මොකොට ද අයිසෙ පුදුම වෙන්නෙ? මං එදා ඒ මංගල යෝජනාව කලේ හිතේ අංශුමාත්‍රය ක සැකයක් නැතිව. එහෙව් එකේ මං මොකොට ද පුදුම වෙන්නෙ. මං දැනං හිටිය ඇය මගෙ යෝජනාව ඉහටත් උඩින් පිළිගනී කියල."
"මැතිතුමා විවාහ උත්සවය පිළිබඳ විස්තර ටිකක් කිව්වොත්?"
"මේකයි. අපේ රටේ නවනීදන් ට අන්තවාදියා, කේලම්කාරී, බේගල්කාරි කියල උඩ දා ගෙන කෑගහපු ගොඩක් කට්ටියගෙ දැන් හිත් වෙනස් වෙලා. ඒක හින්දා, ආණ්ඩුව වේවා, විපක්ශය වේවා ප්‍රභූ පෙළේ ඕනෑම කෙනෙක් මේකට සහභාගී වෙනවා සහතිකයි. එකම විරසකයක ට තියෙන්නෙ වීරවංශ මැතිතුමා ගෙ අතුරුදහන් වීම තමයි.
මට මේක කියන්න පුළුවන්. විවාහ උත්සවයට පොලීසියේ සම්පූර්ණ අනුග්‍රහය සහ සහයෝගය ලබා දෙනව කියල පොලිස්පතිතුමා නම් මට පෞද්ගලිකව ම පොරොන්දු වුනා."
"මැතිතුමා. . . . සමාවෙන්න. ආචාර්‍ය්තුමා, මේ විවාහයෙන් පස්සෙ පිල්ලේ මැතිනියගේ ලංකාව පිළිබඳ මානව හිමිකම් වාර්තාව කොයි ආකාරයකින් හරි වෙනස් වෙයිද?"
"මෙහෙම යි. ඇයගෙ වාර්තාව කොහොම වෙනස් වෙයි ද කියන්න මං දන්නෙ නැහැනෙ. හැබැයි ඉතිං මං දන්නව අන්තිමේ දි එයා, 'ලංකාව හොඳයි, ඒත් මර්වින් හොඳායි' කියනවා කියල නම්."
No comments:
Post a Comment